Сусветная практыка культурніцкага плавання мае шмат прыкладаў паляпшэння гарадскога асяроддзя праз праектныя прапановы гараджан і ўдзел грамадскасці ў фармаванні культурнай стратэгіі горада. Мае такія прыклады і сам Магілёў. Ці будзе развіты гэты досвед? Якім чынам? Ці прывядзе ён да больш сістэмнага партнёрства гараджан і ўладаў?

«Будзьма» запрашае усіх цікаўных, актыўных і неабыякавых магілёўцаў — найкаштоўнейшы чалавечы капітал горада — паразважаць пра магчымасці іх уплыву на развіццё культурнай атмасферы горада.

Галоўныя пытанні дыскусіі:

— Што такое культурніцкая стратэгія і навошта яна гораду?
— Калі ўдзел гараджан пажаданы, а калі проста неабходны?
— Што могуць зрабіць гарадскія супольнасці?
— Што трэба зрабіць адміністрацыі горада, каб гараджане праяўлялі актыўнасць?
— Як могуць гараджане ўдзельнічаць у культурніцкім планаванні?

У дыскусіі возьмуць удзел замежныя эксперты:

Аляксандр Буцэнка — дырэктар Украінскага цэнтра культурных даследаванняў пры Міністэрстве культуры Украіны, эксперт Рады Еўропы па культурнай палітыцы.
Людміла Афанасьева — загадчыца Лабараторыі сацыялагічных даследаванняў пры Мелітопальскім дзяржаўным педагагічным універсітэце імя Б. Хмяльніцкага, дацэнт, кандыдат філасофскіх навук, эксперт міжкультурнага дыялогу.

Дата правядзення: 17 красавіка.
Месца правядзення: канферэнц-зала гатэля «Губернскі», вул. Ленінская, 56/6.
Пачатак: 19:00.

Уваход вольны.