У Міжнародны дзень музыкі жыхары горада традыцыйна збіраюцца ў ратушы, каб павіншаваць гарадскога трубача Магіслава з яго сімвалічным днём нараджэння, паслухаць цудоўную музыку і ўзяць удзел у захапляльнай віктарыне ад стваральніка Магіслава, гадзіннікавага майстра Генадзя Галоўчыка.
Акрамя таго, сёлета падчас мерапрыемства будуць прэзентаваныя новыя каштоўнасці, набытыя мецэнатам і добрым сябрам Музея гісторыі Магілёва Валерыям Казаковым і будуць прэзентаваныя новыя арт-аб’екты, што паявіліся сёлета ў ваколіцах ратушы.
Таксама ўсяго адзін раз і толькі на адзін дзень будзе прадэманстраваная карціна магілёўскага мастака Базыля Камарова з выявай будаўніцтва магілёўскага замка. Гэтая работа напісана аўтарам на замову магілёўскага калекцыянера. Пасля прэзентацыі яна пярэйдзе ў яго асабістую калекцыю.
Пачатак мерапрыемства ў 12:00.
Рэд.