Пасля дыктоўкі свята працягвалі пісьменнікі, паэты і госці ўрачыстасці. І першыя здзівілі ўсіх прысутных сваім задорам вучаніцы першага беларускага класа СШ № 34 , якія прачыталі вершы і разыгралі сцэнку пра мышаня. Сярод выступоўцаў былі таксама Яраслаў Клімуць, Алесь Казека, Генадзь Гузій, Сяргей Украінка і іншыя.
Арганізатарамі свята былі Палац культуры вобласці (клуб цікавых сустрэч «Натхненне»), гарадское грамадскае аб’яднанне «Таварыства беларускай мовы імя Францыска Скарыны» і гарадское грамадскае аб’яднанне «Саюз пісьменнікаў Беларусі».
21 лютага адбудзецца працяг свята ў Магілёве. Таварыства беларускай мовы імя Скарыны разам з кампаніяй cukerki.by прапануюць магілёўцам салодка адзначыць Дзень роднай мовы. Для гэтага патрэбна сустрэць валанцёра, напісаць любімае беларускае слова ў спецыяльным сшытку, узгадайць юбілей Францыска Скарыны і атрымайць цукерачку ў пачастунак!
Акцыя адбудзецца з 13:00 да 14:00 на Плошчы зорак каля кінатэатра «Радзіма» і каля рэстарана «Габрава.»
Дарэчы, любы зацікаўлены і неабыякавы можа дапамагчы зрабіць Дзень беларускай мовы салодкім для большай колькасці гараджан. ТБМ шукае валанцёраў для правядзення акцыі. Далучыцца да яе можна, напісаўшы паведамленне, альбо патэлефанаваўшы: +375-29-388-35-61.
Алег Дзьячкоў
Фотаздымкі Галіны Хітрыкавай