Праект распавядае гісторыю нямога кінематографа на беларускіх землях першай трэці XX стагоддзя, шляхі развіцця «кінадумкі» ў цэлым і цеснай сувязі Беларусі з сусветным кінематографам. Праект адлюстроўвае паўнапраўную прыналежнасць Беларусі да адзінай на той час кінапрасторы.
Выстава прысвечана гісторыі кіно дарэвалюцыйнага перыяду, асаблівую ўвагу надае першым кінапаказам у Магілёве і першаму кінатэатру горада пад назвай «Чары».
Унікальныя экспанаты былі ўзятыя з фондаў Нацыянальнага гістарычнага музея, Літоўскага дзяржаўнага цэнтральнага архіва, Літоўскага архіва літаратуры і мастацтва, Літоўскага музея тэатра, музыкі і кіно, Беларускага дзяржаўнага архіва кінафотафонадакументаў і прыватных калекцый розных краін.
Акрамя таго, усе жадаючыя могуць паглядзець папулярныя нямыя фільмы тых гадоў з удзелам Асты Нільсэн, Полы Негры, Веры Халоднай, Бастэра Кітана.
Куратары праекта — Майя Кацнельсон і Надзея Кухарэнка.
Дызайн экспазіцыі — Надзея Кухарэнка.
Рэд.
https://mycity.by/kultura/item/9863-chary-gubernskaga-sinematografa-prapanuyuts-paglyadzets-magiljo-tsam#sigProIdff4c7d420f